دنیا
سینیٹ آف پاکستان کی جانب سے اسماعیل ہنیہ کی شہادت کے خلاف متفقہ قرارداد منظور
سینیٹر شیری رحمان نے کہا کہ بھارت اور اسرائیل دونوں مسلم ممالک میں آبادکاروں کے استعمار کے منصوبے پر کام کر رہے ہیں
اسلام آباد: سینیٹ آف پاکستان نے پیر کے روز اسماعیل ہنیہ کی شہادت کے خلاف متفقہ قرارداد منظور کرتے ہوئے بے گناہ فلسطینیوں کے خلاف اسرائیل کے وحشیانہ جنگی جرائم کی مذمت کی ہے۔
قرارداد کی تحریک کرنے والی سینیٹر پلوشہ محمد زئی خان نے کہا کہ ذوالفقار علی بھٹو مسلم دنیا کے رہنما تھے جنہوں نے اس مسئلے کو بین الاقوامی سطح پر اٹھایا اور پوری امت مسلمہ کو متحد کیا۔
انہوں نے کہا کہ دنیا نے دیکھا کہ ان تمام مسلم رہنماؤں کو ایک دوسرے کے ذریعے اسرائیل کے جنگی جرائم کے خلاف آواز اٹھانے پر قتل کیا گیا۔
انہوں نے فلسطین کے ہمسایہ مسلم ممالک کی خاموشی کی بھی مذمت کی اور کہا کہ دو ممالک؛ ہندوستان اور اسرائیل دنیا میں تباہی مچا رہے تھے لیکن انہیں روکنے والا کوئی نہیں تھا۔
انہوں نے کہا کہ اسرائیل بے گناہ فلسطینیوں کے خلاف بھارتی ساختہ گولہ بارود استعمال کر رہا ہے اور دونوں ممالک انسانیت کے خلاف جرائم میں ایک دوسرے کا ساتھ دے رہے ہیں۔
انہوں نے کہا کہ دنیا نے دیکھا ہے کہ پاکستان کی دشمن حسینہ واجد بنگلہ دیش سے بھاگ گئی اور وہ دن آئے گا جب نریندر مودی اور بنجمن نیتن یاہو بھی جلد بھاگ جائیں گے۔
سینیٹر شیری رحمان نے قرار داد کے حق میں اظہار خیال کرتے ہوئے کہا کہ بھارت اور اسرائیل دنیا کے دو بڑے دہشت گرد ملک ہیں جو آزادی سے لطف اندوز ہو رہے ہیں اور فلسطین اور کشمیر میں بے گناہوں کا قتل عام کر رہے ہیں۔ انہوں نے کہا کہ دونوں ممالک نسل کشی کر رہے ہیں اور انسانی امداد پر بمباری کر کے بین الاقوامی نظام کی خلاف ورزی کر رہے ہیں۔
انہوں نے کہا کہ اگر کسی مغربی ملک کے خلاف ایسے مظالم ہوتے تو دنیا کا ردعمل مختلف ہوتا۔
سینیٹر شیری رحمان نے کہا کہ بھارت اور اسرائیل دونوں مسلم ممالک میں آبادکاروں کے استعمار کے منصوبے پر کام کر رہے ہیں۔
سینیٹ سے منظور کی گئی قرارداد میں کہا گیا ہے کہ ’’یہ ایوان 31 جولائی 2024 کو تہران میں اسرائیلی صیہونیوں کے حملے میں حماس کے ممتاز رہنما اسماعیل ہنیہ کی شہادت پر گہرے دکھ اور افسوس کا اظہار کرتا ہے۔
پاکستان
او آئی سی کا بھارتی تمام غیر قانونی اور یکطرفہ اقدامات کی منسوخی کا مطالبہ
بیان میں اوآئی سی نے کشمیری عوام کے حق خودارادیت کی جاری جدوجہد میں ان کے ساتھ مکمل یکجہتی کا اظہار بھی کیاہے
اسلامی تعاون کی تنظیم نے جموں و کشمیر کی بین الاقوامی طورپر تسلیم شدہ متنازعہ حیثیت کے احترام اور 5 اگست 2019 اور اس کے بعدبھارت کی طرف سے کئے گئے تمام غیر قانونی اور یکطرفہ اقدامات کی منسوخی کا مطالبہ کیا ہے ۔
کشمیر میڈیا سروس کے مطابق او آئی سی جنرل سیکرٹریٹ نے بھارت کے غیر قانونی طور پرزیر قبضہ جموں و کشمیر کی خصوصی حیثیت کی یکطرفہ تنسیخ کو پانچ سال مکمل ہونے کے موقع پر جاری ایک بیان میں تنظیم کے سربراہ اجلاس کے فیصلوں اور جموں و کشمیر کے بارے میں اوآئی سی کی وزرائے خارجہ کی کونسل کی قراردادوں کا اعادہ کیاگیا۔
بیان میں اوآئی سی نے کشمیری عوام کے حق خودارادیت کی جاری جدوجہد میں ان کے ساتھ مکمل یکجہتی کا اظہار بھی کیاہے۔اسلامی تعاون تنظیم نے عالمی برادری پر بھی زوردیاہے کہ وہ اقوام متحدہ کی سلامتی کونسل کی متعلقہ قراردادوں کے مطابق تنازعہ کشمیرکے حل کیلئے کوششیں تیز کرے ۔
پاکستان
پورا مقبوضہ کشمیر جیل کا منظر پیش کر رہا ہے،وزیر اطلاعات پنجاب
عظمیٰ بخاری نے کہا کہ سیاست اور اختلافات چلتے رہتے ہیں تاہم ہمیں ملک کے خلاف ہر سازش کو سمجھنے اور اسے ناکام بنانے کی ضرورت ہے
پنجاب کی وزیر اطلاعات عظمیٰ بخاری نے کہا ہے کہ 2019 کے بعد سے 5 اگست یوم استحصال کے طور پر منایا جا رہا ہے۔
آج (پیر) لاہور میں ایک تقریب سے خطاب کرتے ہوئے انہوں نے اس بات پر افسوس کا اظہار کیا کہ آج پورا مقبوضہ کشمیر جیل کا منظر پیش کر رہا ہے۔
عظمیٰ بخاری نے کہا کہ سیاست اور اختلافات چلتے رہتے ہیں تاہم ہمیں ملک کے خلاف ہر سازش کو سمجھنے اور اسے ناکام بنانے کی ضرورت ہے۔انہوں نے کہا کہ شہباز شریف کشمیریوں کا مقدمہ بین الاقوامی فورموں پر لڑ رہے ہیں اور ہم اُن کے شانہ بشانہ ہیں۔
علاقائی
خیبرپختونخوا میں بارشوں کی تباہ کاریوں سے 15 افراد جاں بحق
بارشوں کے باعث انیس گھر مکمل جبکہ چون جذوی تباہ ہوگئے ، امدادی ادارے نے اپرچترل میں 30 اگست تک ہنگامی صورتحال نافذ کردی
گزشتہ 24 گھنٹے کے دوران خیبرپختونخوا میں بارشوں کی تباہ کاریوں سے 15 افراد جاں بحق اور 20 زخمی ہوئے ۔
صوبائی ہنگامی امدادی ادارے کے مطابق ہلاکتیں ، چارسدہ ، کرک، ٹانک، ملاکنڈ، لوئراپر، چترال، لوئر دیر ، باجوڑ، بونیر، شانگلہ اور جنوبی وزیرستان کے اضلاع میں واقع ہوئیں۔
بارشوں کے باعث انیس گھر مکمل جبکہ چون جذوی تباہ ہوگئے ، امدادی ادارے نے اپرچترل میں 30 اگست تک ہنگامی صورتحال نافذ کردی۔
PDMA نے علاقے میں متاثرہ افراد کو ضروری سامان تقسیم کیا جس میں کمبلیں ، کیمپس، بسترے ، مچھردانیاں اوردیگر اشیاء شامل ہیں۔
ہنگامی امدادی ادارے کاکنٹرول روم چوبیس گھنٹے فعال ہے اور عوام کسی بھی قدرتی آفت کی اطلاع ہیلپ لائن 1700 پر دے سکتے ہیں۔
-
پاکستان 2 دن پہلے
شیر افضل مروت کی پارٹی رکنیت کی منسوخی ،بیرسٹر گوہر نے تردید کر دی
-
دنیا 2 دن پہلے
لندن سے پرتگال جانیوالی پرواز کا معاون پائلٹ بے ہوش
-
دنیا ایک دن پہلے
بنگلہ دیش میں طلبہ گروپ کی جانب سے سول نافرمانی کی تحریک کا آغاز
-
تجارت 2 دن پہلے
سونے کی فی تولہ قیمت میں دوسرے روز بھی بڑا اضافہ
-
دنیا 42 منٹ پہلے
غزہ : پناہ گزینوں پر شدید بمباری کے باعث 40 فلسطینی شہید
-
دنیا 7 گھنٹے پہلے
بنگلہ دیشی آرمی چیف کی طرف سے ملک میں عبوری حکومت بنانے کا اعلان
-
موسم 2 دن پہلے
پاکستان کے مختلف شہروں میں سیلاب الرٹ جاری
-
دنیا ایک دن پہلے
اسرائیلی میڈیا : 7 اکتوبر 2023 سے غزہ میں 10ہزار اسرائیلی فوجی ہلاک، رپورٹ جاری