اسلام آباد سمیت ملک کے مختلف علاقوں میں بارش کی پیش گوئی

محکمہ موسمیات نے اسلام آباد سمیت  ملک کے مختلف علاقوں آج سے میں بارش کی پیش گوئی کردی۔

محکمہ موسمیات کی جانب سے  بتایا گیا ہے کہ سندھ، بلوچستان اور پنجاب کے علاقوں میں سرد اور تیز ہوائیں چلنے کا امکان ہے جبکہ پہاڑوں پر برفباری بھی ہوسکتی ہے۔

محکمہ موسمیات کے مطابق آج سے مغربی ہوائیں ملک کے بالائی علاقوں میں داخل ہوں گی جس کے پیش نظر آج سے 8 دسمبر کے دوران مری، گلیات، اسلام آباد، چکوال، گوجرانوالہ ،جہلم ، سرگودھا بھکر،راولپنڈی اور لاہور سمیت پنجاب کے مختلف علاقوں میں بارش متوقع ہے۔

جبکہ ملک کے شمالی علاقوں چترال، دیر، سوات، مالاکنڈ سمیت کے پی، گلگت بلتستان اور آزاد کشمیر میں بھی بارش اور پہاڑوں پر برفباری کا امکان ظاہر کیا گیا ہے۔