پشاور: بلدیاتی نمائندوں اورصوبائی حکومت کے درمیان مذاکرات کامیاب

پشاور:بلدیاتی نمائندوں اورخیبر پختونخوا حکومت کے درمیان مذاکرات کامیاب ہوگئے۔
صوبائی حکومت نے بلدیاتی نمائندوں کے مطالبات تسلیم کرلیے۔
میڈیا رپورٹس کے مطابق حکومت نے چارٹر آف ڈیمانڈ پر عمل درآمد کے لیے 20 روز کا وقت مانگا ہے،اس حوالے سےمئیر پشاور زبیر علی کا اس حوالے سے کہنا ہے کہ ہمارے حکومت سے معاملات طے پاگئے ہیں، مذاکرات کو حتمی شکل دینی ہے، حکومتی کمیٹی جناح پارک آکر اعلان کرے گی۔
واضح رہے کہ بلدیاتی ملازمین نے گزشتہ کئی برس سے فنڈز نہ ملنے پر کے پی اسمبلی کے سامنے احتجاج کرتے ہوئے دھرنا دیا تھا جس پر پولیس نے ان پر لاٹھی چارج کیا تھا اور شیلنگ کی تھی۔