سندھ:  ڈینگی بخار کا شکار مزید 2افراد انتقال کرگئے،کل مرنیوالوں کی تعداد 31 ہوگئی

کراچی : ڈینگی بخار سے ہونے والی ہلاکتوں کا سلسلہ تھم نہ سکا،گزشتہ24 گھنٹوں کے دوران مزید 2 افراد ڈینگی بخار کا شکار ہوکر انتقال کرگئے،رواں سال کے دوران ڈینگی بخارسے ہونے والی اموات کی تعداد 31 ہوگئی۔

محکمہ صحت صوبہ سندھ کے کے مطابق 24 گھنٹوں کے دوران مجموعی طور پر ڈینگی کے 4 ہزار 611 ٹیسٹ کیے گئے جن میں 829 کیسز مثبت آئے،کراچی میں 3 ہزار 94 کیے گئے جن میں 419 مثبت کیسز کی تصدیق ہوئی،حیدرآباد ڈویژن میں 1 ہزار 517 ٹیسٹ کیے گئے جن میں سے 410 کیسز مثبت آئے۔

صوبائی محکمہ صحت کے مطابق گزشتہ 24 گھنٹوں کے دوران صوبے بھر کے سرکاری اسپتالوں میں 101 نئے کیسز داخل ہوئے ۔پرائیویٹ اسپتالوں میں 82 نئے مریض داخل ہوئے، گزشتہ 24 گھنٹوں کے دوران صوبے بھر کے سرکاری اسپتالوں سے 123 مریض صحت ہوئے،پرائیویٹ اسپتالوں سے 93 مریض صحتیاب ہوکر گھر گئے۔

اس حوالے سے صوبائی سیکریٹری صحت ریحان بلوچ کا کہنا ہے کہ رواں ماہ ڈینگی سے صوبے بھر میں متاثرہ افراد کی تعداد 8 ہزار 891 ریکارڈ ہوئی، رواں سال صوبے بھر میں ڈینگی سے متاثرہ افراد کی تعداد 14 ہزار 468 ہے، اس وقت صوبے بھر کے سرکاری اسپتالوں میں داخل مریضوں کی تعداد 245 ہے۔

ان کا مزید کہنا تھا کہ پرائیویٹ اسپتالوں میں داخل مریضوں کی تعداد 173 ہے، کراچی کے سرکاری اسپتالوں میں ڈینگی کے مریضوں کے لیے 291 بیڈ مختص ہیںحیدرآباد میں 167 اوردیگر اضلاع میں   556 ہےجبکہ صوبے بھر میں ڈینگی کے مریضوں کےلیے 1025 بیڈ مختص کیے گئے ہیں۔

اسی طرح کراچی کے پرائیویٹ اسپتالوں میں ڈینگی کے مریضوں کے لیے 204 بیڈ مختص ہیںحیدرآباد میں 211 اور اندرون سندھ میں 65 ہے،صوبے بھر میں اس وقت 55 لیباریٹریز سے ڈیٹا وصول کیا جارہا ہے، کراچی میں کل 36 لیبارٹریز ڈینگی ٹیسٹنگ کر رہی ہیں ،13 سرکاری اور 23 نجی لیبارٹریز شامل ہیں۔