پاکستان میں ایک روز میں کورونا ویکسی نیشن کا نیا ریکارڈ قائم

تفصیلات کے مطابق وفاقی وزیر برائے منصوبہ بندی اسدعمر نے  سماجی رابطے کی ویب سائٹ ٹوئٹر پر پیغام میں  کہا کہ 5 لاکھ 61 ہزار افراد کو پہلی خوراک دی گئی جو کہ ایک روز میں ویکسی نیشن کاریکارڈ ہے۔ انہوں نے کہا کہ ان شاءاللہ ایک دن میں کورونا ویکسین کے 10 لاکھ ٹیکےلگانے کا ہدف بھی عبور کریں گے۔

مزید پڑھیں : مریم نواز کورونا وائرس کا شکار

Yet another daily vaccination record set. Yesterday 7 lakh 78 thousand vaccinations were carried out. New record for first dose also... 5 lakh 61 thousand. New target : to inshallah cross 1 million vaccinations in a day

— Asad Umar (@Asad_Umar) July 28, 2021

خیال رہے کہ پاکستان بھر میں کورونا ویکسین لگانے کا عمل جاری ہے جس کے لیے  ہسپتالوں میں ویکسینیشن سنٹرز سمیت اب موبائل ویکسین مراکز بھی قائم کیے گئے ہیں جہاں18 سال سے زائد افراد جا کر ویکسین لگوا سکتے ہیں۔

یاد رہے کہ پاکستان میں اس وقت انسداد کورونا کی چینی ویکسین کے علاوہ ایسٹرازینیکا ، ، کینسینو  اور فائزر بھی استعمال کی جارہی ہے۔  ملک بھر  میں40 سال سے زائد عمر افراد کی ویکسینیشن کا آغاز3 مئی سےہوا تھا۔

واضح رہے کہ   نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید46فراد چل بسے ۔ ملک میں  اموات کی مجموعی تعداد23 ہزار133ہوگئی ہے،جبکہ  متاثرہ افراد کی مجموعی تعداد 10لاکھ15ہزار827ہوگئی ہے ۔