پنجاب کے تمام سرکاری و نجی تعلیمی ادارے 15ستمبر تک بند رہیں گے

تفصیلات کے مطابق صوبائی وزیر تعلیم پنجاب ڈاکٹر مراد راس  نے صوبے میں سکولوں کی بندش کے حوالے  سے  ٹوئٹر پر پیغام میں کہا کہ  تعلیمی اداروں  کی بندش کا فیصلہ کرونا وباء کی صورتحال کومدنظر رکھتے ہوئے کیا گیا ہے۔  انہوں نے ہدایت کرتے ہوئے کہا کہ ایس او پیز پر عملدرآمد کو ہر ممکن یقینی بنائیں۔

ANNOUNCEMENT:
All Public and Private Schools of Punjab to remain closed until Wednesday September 15th, 2021. Stay home and stay safe.

— Murad Raas (@DrMuradPTI) September 10, 2021

گزشتہ روز کورونا کے پھیلاؤ کو روکنے کیلئے عائد پابندیاں برقرار رکھنے کا فیصلہ  کیا گیا  تھا ۔   نیشنل کمانڈ اینڈ آپریشن سینٹر (این سی او سی )نے کورونا پابندیوں میں ایک ہفتے کی توسیع کا  اعلان کیا تھا ۔ فیصلے کے مطابق  27 حساس اضلاع میں تعلیمی ادارےایک ہفتہ مزیدبندرہیں گے۔  

یاد  رہے کہ پنجاب میں تعلیمی اداروں کے حوالے سے   کورونا پابندیوں کا اطلاق 6 سے 11 ستمبر تک کیلئے کیا گیا تھا۔

خیال رہے کہ کورونا کے پیش نظر پنجاب بھر کے بند سرکاری و نجی اسکولز کو 7جون سے ایس او پیز کے ساتھ دوبارہ کھولا گیا تھا۔