ٹی ٹوئنٹی ورلڈ کپ: اب تک سب سے زیادہ چھکے کس بلے باز نے لگائے؟

تفصیلات کے مطابق ٹی ٹوئنٹی کرکٹ کا نام سنتے ہی ذہن میں چھکے اور چوکے آتے ہیں، سپر 12 مرحلے کے اختتام پر کس کھلاڑی نے کتنے چھکے لگائےاوران میں پاکستان کا کونسا کھلاڑی شامل ہے۔

جوس بٹلر 

انگلینڈ کے وکٹ کیپر بلے باز جوس بٹلر اب تک ٹی ٹوئنٹی ورلڈ کپ 2021 میں سب سے زیادہ چھکے لگانے والے کھلاڑی ہیں۔ انہوں نے  5 میچوں میں 13 چھکے لگائے ہیں۔

جارح مزاج بلے باز نے ان پانچ میچز میں 240 رنز اسکور کیے ہیں جن میں سری لنکا  کے خلاف ایک سنچری بھی شامل ہے۔

ڈیوڈ ویزا

نمیبیا کے آل راؤنڈر کھلاڑی ڈیوڈ ویزا اس ٹورنامنٹ میں سب سے زیادہ چھکے لگانے والے دوسرے کھلاڑی ہیں۔ ویزا نے 8 میچز میں 11 چھکے لگائے ہیں جب کہ ان کے رنز کی مجموعی تعداد 227 ہے۔

چیرتھ اسالنکا

سری لنکن کرکٹر چیرتھ اسالنکا 6 میچز میں 9 چھکے لگاکر تیسرے نمبر پر ہیں،انہوں نے اس ٹورنامنٹ میں 231 رنز بنائے ہیں۔

خیال رہے کہ سری لنکا نے سپر 16کا مرحلہ بھی کھیلا تھا۔ 

ایڈن مارکرام

زیادہ چھکے لگانے والوں میں جنوبی افریقین بلےباز ایڈن مارکرام کا نمبر چوتھا ہے۔ انہوں نے اس ورلڈ کپ میں 9 چھکے لگائے ہیں اور مجموعی طور پر 5 میچز میں 162 رنز اسکور کیے۔ 

محمد رضوان

پاکستانی اوپنر محمد رضوان نے آئی سی سی ٹی ٹوئنٹی ورلڈ کپ 2021 میں اب تک 5 میچز کھیلے جس میں انہوں نے 8 چھکے لگائے۔ جاندار چھکے لگانے والے بلے باز محمد رضوان نے اب تک 214 رنز اسکور کیے ہیں۔