پاکستانی ٹیم میں صلاحیت ہے ٹی ٹوئنٹی ورلڈکپ جیتنے کی: ڈوپلیسی

تفصیلات کے مطابق فاف ڈوپلیسی کا کہنا ہے کہ ان کے نزدیک پاکستان ٹی ٹوئنٹی ورلڈکپ 2021 کی ایسی ٹیم ہے جو ٹرافی اپنے نام کرسکتی ہے۔

انہوں نے نیوزی لینڈ سے متعلق بھی یہی امید ظاہر کی ہے کہ کیویز بھی ٹورنامنٹ میں یہ کارنامہ انجام دے سکتے ہیں اور وہ ایونٹ میں اس کے کافی قریب بھی آئے لیکن وہ خود کو اس پوزیشن پر برقرار نہیں رکھ سکے۔

ڈوپلیسی نے اپنی ٹیم جنوبی افریقا کی تعریف کرتے ہوئے کہاکہ پروٹیز نے سپر 12 مرحلے میں 5 میں سے 4 میچز جیتے جو ان کی شاندار کامیابی ہے اور انہیں اپنی ٹیم پر فخر ہے۔

ٹیسٹ کرکٹ سے ریٹائرمنٹ لینے والے ڈوپلیسی نے جنوبی افریقا کے بولنگ اٹیک کو ٹی ٹوئنٹی ورلڈکپ کا سب سے بہترین بولنگ اٹیک قرار دیا۔