‏نومبر 2020ء سے اب تک پیٹرولیم کی بین الاقوامی قیمتوں میں 166 فیصد اضافہ ہوا، شوکت ترین

تفصیلات کے مطابق  وزیر خزانہ شوکت ترین  نےپٹرولیم مصنوعات کی قیمتوں بارے  ایک بیان میں کہا ہے کہ  ‏نومبر 2020ء سے اب تک پیٹرولیم کی بین الاقوامی قیمتوں میں 166 فیصد اضافہ ہوا،  حکومت عوام کو بڑھتی قیمتوں سے بچانے کے لئے سیلز ٹیکس اور لیوی سے مسلسل آمدنی کا خسارہ برداشت کررہی ہے،  صرف 2022ء میں اب تک حکومت کو اوسطاً 70 ارب روپے ماہانہ خسارہ اٹھانا پڑا۔

شوکت ترین نے کہا کہ  مجموعی طور پر سیلز ٹیکس اور لیوی کی مد میں پورے سال میں 840 ارب روپے کا نقصان ہوا،  ‏پاکستان کی تاریخ میں کسی سیاسی حکومت نے ایک سال میں اس ریلیف کا ایک تہائی حصہ بھی عوام کو نہیں دیا،  اس وقت بھی وزیر اعظم میرے ساتھ مختلف آپشنز پر غور کر رہے ہیں، وزیراعظم تنخواہوں میں حالیہ اضافے اور احساس راشن امداد کے باوجود بڑھتی قیمتوں کے اثرات ختم کرنے کیلئے کوشاں ہیں۔