دشمن نہیں ،اسرائیل کو اتحادی کے طور پر دیکھتے  ہیں : سعودی ولی عہد

غیر ملکی خبر رساں ادارے کو انٹرویو دیتے ہوئے سعودی ولی عہد محمد بن سلمان نے کہا کہ اگرمسئلہ فلسطین حل ہوجائے تو اسرائیل ہمارا ممکنہ اتحادی بن سکتا ہے۔انہوں نے کہا کہ ہم اسرائیل کودشمن کے طورپرنہیں دیکھتے بلکہ  اسرائیل ممکنہ طورپرسعودی عرب کا اتحادی ہوسکتا ہے۔ہم  امید کرتے ہیں کہ  فلسطین اوراسرائیل کا تنازع جلد حل ہوجائے گا۔

محمد بن سلمان کا کہنا ہے کہ  ایران اورسعودی عرب پڑوسی ہیں اورایک دوسرے سے چھٹکارا نہیں پا سکتے۔اس لیے  بہتر ہے کہ بقائے باہمی کے اصول کے تحت رہا جائے۔

سعودی ولی عہد نے کہا کہ  شدت پسندوں نےہمارےمذہب کوہائی جیک  کرکے ا سے   اپنے مفادات  کیلئے بدلا،جس سے  سنی اور شیعہ دونوں میں دہشتگرد گروہوں کی تخلیق ہوئی تاہم ہم  اسلام کی اصل تعلیمات کی طرف لوٹ رہے ہیں۔

شہزادہ محمد بن سلمان نے انٹرویو میں کہا کہ  مجھے پروا نہیں کہ امریکی صدر میرے بارے میں کیا سوچتے ہیں۔امریکا کے ساتھ دیرینہ تعلقات ہیں اورریاض امریکا سے مزید مضبوط تعلقات چاہتا ہے۔