برطانیہ میں آسٹرا زینیکا کی کورونا ویکسین لگوانے کے بعد بلڈ کلاٹ سے سات ہلاکتیں

غیرملکی خبر رساں ادارے کے مطابق  برطانیہ میں  آسٹرا زینیکا کی کورونا ویکسین 18 ملین شہریوں کو لگائی گئی، جن میں سے  30 میں بلڈ کلاٹ بنے تھے،  آسٹرا زینیکا کی کورونا ویکسین لگوانے کے بعد بلڈ کلاٹ سے سات ہلاکتیں ہوگئیں ۔برطانوی حکام نے بھی  ویکسینیشن کے بعد بلڈ کلاٹ سے سات ہلاکتوں کی تصدیق کردی۔

ہیلتھ کیئر ریگولیٹری اتھارٹی کا کہنا ہے کہ   بلڈ کلاٹ بننا اتفاقیہ ہے یا ویکسین کا سائیڈ ایفیکٹ ابھی کچھ نہیں کہا جا سکتا، آسٹرا زینیکا کی ویکسین  کے فوائد اس سے ہونے والے نقصان سے کہیں زیادہ ہیں۔

واضح رہے کہ  سائیڈ ایفیکٹ سامنے آنے پر فرانس، جرمنی،نیدرلینڈ، کینیڈا  نے آسٹرا زینیکا ویکسین کا استعمال محدود کر دیا ہے۔جبکہ  غیرمعمولی  بلڈ کلاٹ بننے کی وجہ آسٹرا زینیکا کی ویکسین ہی ہے یا نہیں، تحقیقات شروع ہوگئیں ہیں  ۔

گزشتہ ماہ    عالمی ادارہ صحت کا کہنا تھا  کہ آکسفورڈ کی بنائی گئی کورونا ویکسین آسٹرازینکا کے استعمال کو  نہ روکیں۔ ویکسین کے استعمال سے خون میں پھٹکیاں بننے کے کوئی ثبوت نہیں ہیں  لہذا  ویکسین کا استعمال جاری رکھنا چاہئے۔