عاصمہ رانی قتل کیس :مرکزی مجرم مجاہد آفریدی کو سزائے موت کا حکم

تفصیلات کے مطابق عاصمہ رانی قتل کیس  میں ڈسٹرکٹ اینڈ سیشن جج پشاور اشفاق تاج نے مختصر فیصلہ سنا دیا، عدالت نے  کیس  کے مرکزی مجرم مجاہد اللہ آفریدی کو سزائے موت کا حکم سنایا جبکہ دو ملزمان شاہ زیب اور صدیق اللہ کو بری کر دیا۔

یاد رہے کہ عاصمہ رانی کو 28 جنوری 2018 کو رشتے سے انکار پر کوہاٹ میں قتل کیا گیا تھا۔ عاصمہ رانی نےزخمی حالت میں مرنے سے پہلے ویڈیوبیان میں ملزم مجاہد اللہ آفریدی کانام لیا تھا۔ واقعے کے بعد ملزم بیرون ملک فرار ہو گیا تھا،  جس کے بعد  مرکزی ملزم کوخیبرپختونخوا پولیس نے انٹرپول کے ذریعے یو اے ای سے گرفتار کیاتھا۔ پشاور ہائیکورٹ کے احکامات پر کیس کو کوہاٹ سے پشاور منتقل کیا گیا تھا۔