احمد مسعود نے امریکی مدد کیلئے لابنگ گروپ کی خدمات حاصل کر لیں، نیویارک ٹائمز

نیویارک : امریکی اخبار کی رپورٹ میں دعویٰ کیا گیا ہے کہ قومی مزاحمتی محاذ افغانستان ( این آر ایف اے ) کے سربراہ احمد مسعود نے امریکی حمایت حاصل کرنے کے لےی ایک امریکی لابنگ گروپ کواستعمال کیا ہے۔

نیویارک ٹائمز کے مطابق احمد مسعود نےا مریکی مدد حاصل کرنے کے لیے لابنگ فرم رابرٹ سٹرائیک کو ہائر کیا ہے ۔ یہ لابنگ فرم کام مفت میں کرتی ہے ۔

یہ بھی پڑھیں : پنج شیر پر طالبان کا قبضہ: احمد مسعود اور امراللہ صالح فرار 

احمد مسعود کے قریبی ذرائع نے امریکہ اخبار کو بتایا کہ ان کا بنیادی ہدف طالبان کو امریکہ کی  جانب سے تسلیم کیے جانے کو روکنا تھا ۔ 

رپورٹ کے مطابق لابیز کی ایک بڑی تعداد  نے اخبار کو بتایا ہے کہ طالبان بھی امریکی حمایت حاصل کرنے کے لیے ایسا کرنے کی کوشش کررہے ہیں لیکن پابندیوں کی وجہ سے یہ واضح نہیں کہ طالبان کیسے کامیاب ہوسکتے ہیں ۔ 

مزید پڑھیں : طالبان کا وادی پنج شیر  پر قبضے کا دعویٰ، احمد مسعود کی افغان شہریوں سے بغاوت کی اپیل

خیال رہے کہ اس سے قبل احمد مسعود نے امریکی اخبار کو بھیجے گئے مضمون میں امریکہ سے طالبان کے خلاف لڑائی میں مدد کی درخواست کی تھی ۔ 

احمد مسعود افغانستان کے آخری مزاحمتی گڑھ پنجشیر میں طالبان کا قبضہ روکنے کے لیے پر عزم تھے تاہم گزشتہ دنوں طالبان نے پنجشیر پر بھی کنٹرول کا دعویٰ کیا ہے ۔ 

احمد مسعود پنجشیر میں موجود ہیں، سابق افغان سفیر کا دعویٰ