حسن علی پاکستان کا سٹار، ہم سب اس کے ساتھ ہیں: آصف علی

لاہور  قومی کرکٹ ٹیم کے مڈل آرڈر بیٹر آصف علی نے ساتھی کرکٹر حسن علی پر ہونے والی تنقید پر ردعمل کا اظہار کیا ہے۔ آصف علی نے ٹویٹر پر جاری کردہ بیان میں حسن علی کی ہمت بڑھاتے ہوئے لکھا کہ ’مشکل وقت سب پر آتا ہے، ہم انسان ہی ہیں، ہم سے بھی غلطیاں ہوتی ہیں۔ آصف نے حسن علی کو مینشن کرتے ہوئے لکھا کہ حسن پاکستان کا سٹار ہے، ہم سب حسن کے ساتھ ہیں۔ 

جارحانہ بلے باز نے اپنی ٹویٹ میں WeStandWithHassanAli کا ہیش ٹیگ بھی استعمال کیا‘۔

Mushkil waqt sub per aata hai. Hum insaan hi hein, hum se bhi ghalatiyaan hoti hein. @RealHa55an Pakistan ka star hai. Hum sub Hasan ke saath hein. #WeStandWithHasanAli pic.twitter.com/2VVCvXsRCm

— Asif Ali (@AasifAli2018) November 13, 2021

آصف علی کی پوسٹ پر متعدد صارفین نے حسن علی کی حمایت میں اپنے پیغامات شیئر کیے اور یقین دہانی کروائی کہ اس مشکل گھڑی میں وہ قومی ہیروز کے شانہ بشانہ کھڑے ہیں۔ واضح رہے کہ ٹی ٹونٹی ورلڈکپ کے سیمی فائنل میں حسن علی سے آسٹریلوی بلے باز میتھیو ویڈ کا اہم کیچ چھوٹ گیا تھا جس پر صارفین کی بڑی تعداد نے انہیں تنقید کا نشانہ بنایا لیکن وزیراعظم عمران خان، چیئرمین پی سی بی رمیز راجہ اور موجود و سابق کرکٹرز سمیت پوری ٹیم نے حسن علی کو سپورٹ کیا اور ٹورنامنٹ میں شاندار کارکردگی پر ٹیم کو خراج تحسین پیش کیا۔